متى نستخدم اي من برامج الجرافيكس

برامج الجرافيكس مختلفة في تنوعها وفي النتيجة النهائية في عملها

عشان كدة لازم نعرف امتى نستخدم البرنامج المعين
وهنا ننتقل لنقطة مهمة جدا وهي عبارة عن سؤال

هل انا اللي بحدد البرنامج ام نوعية الشغل اللي معايا هي اللي بتحدد البرنامج اللي مفترض اشتغل عليه ؟

الحقيقة مش انا اللي بحدد البرنامج اللي هشتغل عليه بالعكس نوعية الشغل هي اللي بتحدد لي
بمعنى لو انا حبيت اشتغل على شغل هتعامل مع صور كتير فيه يبقى مباشرة هتجه لبرنامج الفوتوشوب
بعكس شغل هيحتاج لتنسيق صور وكتابات كتير ساعتها هتعمل مباشرة مع برنامج الان ديزاين
ولو شغل فيه تعامل مع الاشكال الهندسية والاشكال الحرة يبقي نتعامل في الوضع دة مع برنامج الالستريتور

لكن عندنا نقطة مهمة جدا وهي هل شرط استخدم كل برنامج في مجالة
  يعني هل ينفع اشتغل شغل المجلات والكتب على الاستريتور مثلا ... هنا هنقول ينفع طبعا ،لكن مش هتقدر تطلع الشغل دة بسهولة او بسرعة عشان شركة ادوبي لما صممت البرنامج صممته بشكل يخدم الجزئية دي

ومن هنا لقينا ان المصمم محتاج يتعلم اكتر من برنامج عشان السرعة ومهاراته تكون احسن
وعشان كدة في طه ورلد بنوفرلك كل البرامج الي انت محتاجها في مشوارك في مجال التصميم والمونتاج