برنامج الـ In Design
برنامج مميز جدا في مجاله واللي ملوش ابدا اي منافس في صناعة وتصميم الكتب والمجلات والجرايد
ولو سألت اي مصمم فوتوشوب او الستريتور هتلاقيه بيقدر يعتمد في شغله على برنامج تاني
لكن لو بصينا على الـ In Design هنلاقي انك مش هتقدر تستبدل البرنامج دة في عمل اي حاجة تخص مجاله
ودة لأنه بيمتاز بمميزات في الاوامر اللي اتبرمج عليها واللي بتخدم بشكل كبير واساسي شغل الكتب والمجلات والجرايد
الـ In design
برنامج مش هينفع تاخده عند اي حد غيرنا لأننا بنتميز بخبرة كبيرة جدا وسابقة اعمال مع اكبر الجرايد في مصر والسعودية وكمان عندنا فيديوهات مجهزة لزيارة مطابع بعينها ومن اكبر المطابع اللي موجودة في مصر
يعني بدل ما تنزل المطابع جبناهالك عشان تتعلم المراحل اللي بتمر بيها عملية الطباعة
كمان بنركز جدا على تعليمك ازاي تشتغل في وسط فريق عمل في اي جريدة كبيرة او مجلة ودة اللي بيتشرحلك تفصيلي في الكورس
طه ورلد من اكبر مراكز التدريب في مصر اللي بيتميز بأقوى المحاضرين المعتمدين من الشركات المنتجة للبرامج وكمان من اقوى المراكز اللي بتقدم محتوى تعليمي منهجي بيوصل بيك من البداية للإحتراف
متنساش تروح تشوف اعمال الطلبة عشان تعرف المستوى اللي هتوصل ليه بعد ما تخلص الكورس
وتستلم الشهادة المعتمدة من شركة ادوبي ومركز طه ورلد
مدرب معتمد من ابل
مدرب معتمد من أدوبي
دورة احترافية في برنامج الانديزاين لمده شهر كامل
تتعلم فيها تنفيد الكتب والمجلات والجرائد والفلاير والمنيو والفواتير والكتاب الالكتروني
كل من يريد تعلم برنامج الانديزاين وتنفيذ الكتب والمجلات والجرائد والكتب الالكترونية
معرفة العمل على نظام تشغيل ويندوز
او نظام تشغيل ابل ماكنتوش
شهادة معتمدة من شركة ادوبي في برنامج الانديزاين
شهادة معتمدة من المركز
| عدد الساعات | 32 |
|---|---|
| السعر | جنيه مصري |
| أيام المحاضرات | الاثنين والخميس |
| مواعيد الحضور | من 06:00 إلى 09:00 مساءا |
| المستوى | عام |
| م | اسم المادة | عدد الساعات |
|---|---|---|
| 1 | الكتب من مقاسات وهوامش وصفحات ماستر وترقيم وتنسيق الكتاب والتنسيقات الجاهزه وجدول المحتويات والحواشي | 4 |
| 2 | تنفيذ غلاف الكتاب، مونتاج للداخلي والخارجي، كيفيه مراجعه الملف قبل تسليمه للمطبعة | 4 |
| 3 | فلاير ثنائي دعوة، فلاير ثلاثي منيو مطعم، مونتاج الفلاير ومراجعه الملف قبل تسليمه للمطبعة) | 4 |
| 4 | هويه تجارية (كارت شخصي وظرف الشركه وورق الشركة الرسمي. فولد .....) | 4 |
| 5 | الجداول تنفيذ امساكية وفاتورة مبيعات وسند قبض | 4 |
| 6 | نظام العمل بالجرائد وتنفيذ صفحة من جريدة الوطن | 4 |
| 7 | تنفيذ غلاف مجلة لها وصفحات داخلية لمجلة روتانا | 4 |
| 8 | الكتاب الالكتروني والانيمشن والفيديو والصوت | 4 |
برجاء التسجيل فى الدورة لمشاهدة الأعمال
كن اول من يقوم باضافة عمل
لمياء البشيتي
2017-04-16 15:00:07 ردمساء الخير
كيف طريقة الاشتراك بالدورات ؟؟ و هل مقامة حالياً ؟؟
فضلاً أتمنى الرد
admin
2017-04-18 14:11:23مساء النور
طريقة الاشتراك بالدورات حضرتك يتخوشي علي الويب سايت تمام وبعد كدة بتخوشي علي الدورة الى حضرتك ترغبي فيها بتدوسي عليها بيظهرلك طلب الاشتراك بتدوسي علي طلب الاشتراك وتكتبى البيانات الي هتطلب منك و بعد ذلك في طرق دفع عن طريق ويستن يونيون بتدفعي سعر البرنامج وبعدها بفتحلك الويب سايت . و الكورس فيديوهات مسجله علي الويب سايت ويمكن تحمليها
JOEDO
2016-09-17 22:42:57 ردالسلام عليكم
انا أشتركت في الكورس النهارده الحمد لله وتصفحت محتوي الدوره وحاليا كما علمت انه ستكون هذه الدوره بالاضافه لدوره الفوتوشوب والاليستريتور والان ديزاين , بالنسبه لمحتوي الدوره ومباديء الرسم انا جيد بها لاني درستها بكليه الفنون , الان اريد ان اعلم من اين ابدأ ؟! لان محتوي الدوره اخر شيء فيه مباديء الرسم ورابط التحميل اسفل المحاضرات لا يعمل .
ثائر عبيد
2016-07-18 02:15:31 ردالسلام عليكم
أريد عمل كتاب مكون من متن وشرح على المتن بينهما فاصل وأريد ان اعرف هل يوجد في البرنامج أمر يربط لي كلمة معينة في المتن مع كلمة معينة في الشرح بحيث اينما تحرك المتن تتحرك الشرح معه
وما هو هذا الامر
وشكرا
Doaa Said
2016-03-26 20:12:35 ردايه السبب في اني لما اعمل الفهرس اول عنوان يطلع من غير نقط التاب باقي الفهرس طالع مظبوط الا اول عنوان؟
admin
2016-07-09 09:59:57اول عنوان ده بيعتبر انه عنوان الفهرس
Doaa Said
2016-03-14 20:21:45 ردعندي مشكلة في البرنامج لا يستجيب لاي أوامر هل في مشكلة في نسخة البرنامج ولا في الجهاز؟
زخارف زي المستخدمة في الصفحة دي بتبقى عبارة عن ايه واضيفها ازاي سواء كختم او كخلفية لعنوان؟
http://www.m5zn.com/d/?16232915
admin
2016-03-14 22:24:47كيف لا يستجيب للاوامر هل تقصدين الاختصارات ام الاوامر من القوائم
لو المشكله في الاختصارات تبقي من البرنامج لو الاوامر من القوائم ممكن تكون في الويندوز او البرنامج
الزخارف دي عباره عن صور تقدري تحمليها من النت وتعملي ليها جلب في الانديزاين من خلال امر place
Doaa Said
2016-03-12 19:56:45 رد- لو كتاب 2 لون ومطلوب مني ان رقم الحاشية في المتن وفي كتلة الحاشية يكون ملون هل له استبدال؟
- وهو ايه استبدال المسافة الفاضية يعني لو عندي (عبد الله ) عايزة على كل الملف تبقى بينهم المسافة الفاضية (عبدالله)؟
- هو في خيار shapes في الانديزاين زي الفوتوشوب؟
admin
2016-03-13 11:47:15في footnote option هتلاقي استايل خاص بكل رقم الحاشية ممكن تخليه اللون اللي انت عايزاه في الملف كله مره واحده لكن الرقم في كتلة الحاشيه هحاول اشوفلك له طريقة
تغيير كلمه عبد الله هتبقي في البحث والاستبدال يعني هتبحثي عن عبد الله بالمسافه وتغيريها بعبدالله بدون المسافه
ما فيش خيار للاشكال لان توجد ادوات الاشكال نفسها في الانديزاين والاليستريتور
Doaa Said
2016-03-11 22:19:20 ردده تطبيق لملف بس ما طبقتش الفهرس
http://www.m5zn.com/d/?16229623
لما استوردت ملف الورد كانت اقواس الحواشي في كتلة الحواشي بايظة فحذفتها، هو كده هتتعدل حاشية حاشية؟
كنت عايزة اعرف اعمل الآيات ازاي عثماني
المفروض في الكتب دي بنستخدم فورم بدل مثللا (صلى الله عليه وسلم - رحمه الله ...)
واجهتني مشكلة لما استخدمت eyedropper tool كبرت رقم الحاشية في المتن فعملت تراجع لما يحصل كده اعدلها ازاي
وملاحظات حضرتك عالملف لان دي اول مرة استخدم الانديزاين وتايهة لان شغلي كله كان على برامج word أو 3b2 وفي فرق كبير في تقنيات الشغل بين الناشر الصحفي والانديزاين
واسيف pdf ازاي
admin
2016-03-12 16:10:19موضوع الاقواس بيخلف بين الانديزاين والورد وبنحلها بالطريقة التاليه
بنعمل بحث عن القوس مثلاً اليمين ونغيره ب *** ثلاث نجوم مثلاً
ثم نعمل بحث عن القوس الشمال ونغيره بالقوس اليمين
ثم نعمل بحث عن ال *** ونغيرها بالقوس الشمال
الفورم الخاصه ب صلي الله عليه وسلم دي بتكون في بعض الخطوط ويمكنك ادراجها من خلال امر Glyphs واختيار الخط المناسب لها وتاخدي بالك انك لا تغيير خطها بعد كده
ما تحاوليش تستخدم ال Eyedropper مع الحواشي لانها هتتغير
الملف اكثر من رائع بس حاولي تستخدم الخطوط المتوافقه مع ادوبي مثل مجموعة AE او GE
Doaa Said
2016-03-11 19:25:12 ردحاليا باحاول اطبق الدروس على كتاب ومش عارفة ادرج رموز زي صلى الله عليه وسلم
Doaa Said
2016-03-11 18:45:04 ردما اعرفش الواتس آب وبالنسبة للفيس صفحة حضرتك ؟
ليا سؤال انا غالب شغلي
كتب إسلامية وجاليا باستخدم 3b2 في التنسيق
فعايزة اعرف التعامل بيبقى ازاي في الآيات؟
ولو كتاب فيه صور (زي مصاحف التفسير) بتبقى صفحة المصحف في جزء من الصفحة
وحضرتك قولت في الفيديو اني اقدر اعمل مسافة فاضية هل هامشي على الكلمات واحدة واحدة وانفذ امر insert white space؟
admin
2016-03-12 15:40:21السلام عليكم ور حمة الله وبركاته
ممكن الواتس الخاص بي او الخاص بالمركز
ادراج الايات القرائنية من خلال النسخ واللصق او امر Place حسب مصدر الايات يعني لو هيا علي ورد مثلاً فالافضل امر Place
بالنسبه للصور هتضعي الصوره في مكانها عادي وهتختاري انسياب النص حول الصوره هتجدي النص بيبتعد تلقائياً عن الصوره وممكن كمان تضيفي هوامش للصوره من امر Windows/text wrap
Doaa Said
2016-03-10 15:06:44 ردالسلام عليكم
معكم في الكورس اون لاين
كيف بيكون التواصل؟
admin
2016-03-10 22:30:01التواصل من خلال طرح الاسئله هنا في النقاشات
ورفع المشاريع في تاب المشاريع
او التواصل عبر الواتس اب او الشات الخاص بالفيس بوك