بدايتك مع التصوير

قبل ما تشتري كاميرا ، ماتتسرعش استنى الاول ، بدايتك مع التصوير

كلنا بنحب التصوير وكلنا نفسنا نلقط صور جميله واحيانا بالموبايل بنصور لحظات جميلة لكن ازاى نبتدى فى التصوير؟  

أهم الاسئلة الي بتواجهنا

كاميرا 16 ميجا بيكسل  افضل ولا كاميرا 18 ميجا بيكسل ؟ طب اشتري موبايل  41 ميجا بيكسل ؟؟

في الاجابة عن السؤال ده احب اوضح ان موضوع الميجا بيكسل ده مش مهم تماما في الكاميرات البروفيشنال ؛لان الامر بيعتمد على السينسور Sensor وهو حساسيته

للضوء , نفس طريقة الفيلم

 في ضوء = صورة كويسة

مفيش ضوء = صورة سيئة 

اذن الصورة الجيدة بتعتمد على السينسور الكويس وطريقة اخراج الصور يعني تسيف الصور Jpeg / Raw والافضل Raw , ايا كان اداة

التصوير وكده تقدر تقيس جودة الكاميرا من السينسور ايا كان نوعها 

DSLR / SLR يعني ايه الاسامي دي ؟

DSLR : ده نوع من الكاميرات بتقدر تشوف فيه الصورة قبل ما تصورها ،وبيكون في مكان تشوف منه الصورة .

وحرف (D) اختصار لكلمة ديجيتال لأن النوع ده بيصور على كارت ذاكرة مش فيلم.

 وهو اختصار Digital Single Lens Reflex.

اما SLR فهو نوع الكاميرات الي بيعتمد على الافلام واختصار اسمه Single Lens Reflex

حتى النقطة دي ممتاز ، فيما يخص العدسات ..

بنشوف عدسات كتيرة من اول 18 مم وحتى 600 مم وفي 1200 مم ، يعني ايه الارقام دي ؟

تعبر هذه الارقام عن الزوم .

فالعدسة تقاس بالمليميتر وتبدا من 18 وحتى 1200 وكل ارقام ليها استخدام خاص بها , وهو بيعتبر الزوم ودقة الصورة ( اي مبيعتمدش على البيكسل)

:مثال

اما في استخدامات العدسات

اذا كنت مصور معماري فإستخدم عدسات اقل من 25 مم

اذا كنت مصور للطبيعة او مجموعات من الناس استخدم عدسات من 25 مم وحتى 40 مم

اذا كنت مصور لقطات حرة استخدم عدسات من 40مم وحتى 70 مم

اذا كنت مصور للأطفال او البورترية استخدم عدسات من 70مم وحتى 100 مم

اذا كنت مصور رياضي او الطبيعة البرية استخدم عدسات من 100مم وحتى 300 مم

اذا كنت مصور اشياء بعيدة او طيور استخدم عدسات من 300 وحتى 1000 او 1200

وبكده انتهينا من نقطة العدسات 

الخطوة ما قبل الاخيرة للشراء 

اي نوع يفيدني او اتعلم عليه التصوير وبسعر معقول مش مرتفع ولا منخفض ؟ 

الموضوع بإختصار تام ايا كان نوع الكاميرا الي بتفكر تشتريها اهم النقط قبل الشر

ان الكاميرا تكون بتدعم اوضاع اوتوماتيكية واوضاع يدوية للتحكم

في الISO - Aperture - Shutter Speed حتى انك تقدر تمارس تدريباتك في التصوير بالاوضاع اليدوية وهتلاقي كاميرات مختلفة جدا بتدعم التغيرات دي.

انتظرونا في مقال آخر عن بدايتك مع التصوير